Zum 60. Geburtstag vom Georg. 02.12.93 Der Georg is´etz 60 Johr, drum schimmern scho die graua Hoor. Im Johr 33 is´ er kumma af die Welt, am 2.Dezember, Mensch wor do a´Kält. Sein Vatter, den hot der Kriech umbracht, des wor traurich und hot viel Sorg´n g´macht. Er hots net leicht kabt in sein Lem, er hot sich denkt, etz muß wos g´scheh´n. Drum hots´n zong noch Erlang nei, sucht sich a Fra so nebenbei. Net lang hot´s dauert, dann wor´s so weit, dann wor der Georg net bloß zu zweit. An Bum hams gricht und der wor g´sund, die Zeit vergeht, Stund für Stund. A´Schwester hot dem Kurti g´fehlt, noch 4 Johr´n sich sei Wunsch erfüllt. Und weil so Kinder kosten Geld - und des hot do scho manchmol g´fehlt; drum hot mer´n g´macht zum Färbermaster, weil er wor fleiß´i ohne Laster. Sei Mong des wor sei Psychometer, sei Bandscheim a, des was a jeder. Fast 30 Johr von seinem Lem, wor er der „ERBA“ treu ergem. Doch plötzli, kaner hot des je gedacht, daß die „ERBA“ ihr Tor zu macht. Do hot der Georg recht dumm g´schaut - und hot kaum seini Ohr´n recht traut. Beim Siemens hot mern dann ei´gstellt, zuerscht, do hot er gor net g´wellt. Ober dann hot er ganz laut gedacht, weil er des hot scho´ richti´ g´macht. Do hot´sn g´falln, des is´ fei wohr, a schena Zeit, des is´ ganz klor. So wies halt is´in unser´n Lem, die Zeit werd immer weiter geh´n. Doch hot er g´macht der Ärbert End - und etz er als Rentner umananderrennt. Er hot ka` Zeit, der Streß is´groß, des is´halt Rentner´s Tageslos. Im Summer wühlt er in sein Gart´n - und konn fast net die Ernt´ abwart´n. Im Winter gönnt er sich mehr Ruh´, do gibt sei Fra´ ihm scho zu tu´. Es is´ scho schee , des Rentnerlem, der Herrgott mecht viel Johr ihm gem, dazu die G´sundheit und g´nuch Geld, weil des is´ wichti´, af der Welt. Zufriedenheit des wünsch´ ich nu, weil des zum Glück a` kert dazu. Gedichtet von Gerlinde Popp