Unser Seniorenkreis Jo werkli, sacht mer bei uns in Franken, do macht sich kaner sei Gedanken. Jo werkli, des derft´er mer scho glam, am Dienstog bleibt ka Mensch daham. Seit 25 Jahren scho, is des die Sitt´n, bei uns a so. Mir ham doch immer wos zu red´n , zwischendurch demer dann mol bet´n. Pfarrer Wagner hält die Bibelstund, do hält dan jeder scho sein Mund. Und singa demer laut und leis, des derf net fehl´n, in unsern Kreis. Gymnsastik is´für jeden g´sund, drum machmer des in mancher Stund. Mir lod´n uns a Gäst´ mol ei, die kenna ruhig recht jung nu sei, und spiel´ns uns dan anu wos vor, do schau´mer zu und sind ganz Ohr. Es steht soo viel auf dem Programm, ich konn´s net erzähl´n, des wär zu lang. Mir ham die Feierwehr besichtigt, und die Teefabrik, des is´richtig. Mir wor´n in Neiburg im greßten Reng , mir ham Lichtbilder von Moskau g´seng. Jo werkli, ihr derft´s scho glam, do bleibt kaner gern daham, Es is´nu lang net alles g´sacht, wos mir die Dienstag alles g´macht. Tee, Kaffee - dazu an gut´n Kung, so an, konnst in ganz Erlang´ sung. Uns´re fleiß´gen Küchenfeen, machen des, ohne daß mir´s seng. Und g´schmückt sind die Tisch, des is´a Pracht, a jeder sacht, des ham´s ober wieder schee g´macht. Zufrieden geht a jeder ham, Jo werkli, des derft´er mer scho´ glam.