oden nei, Loden raus, ich konn eich song, mir knurrt vielleicht scho lang mei Mong. Ich fang a scho´ zum Schnuppern o, i´seh´ an Kiosk, Mensch bin i´ froh. Bratwerscht, Schaschlik, Steak und Pommfrit, am liebsten nehmerdi glei alles mit. Ganz aus Verseng schau i´zur Bank, do sitzt a´ Fra recht schlank und rank, die stopft die Pommfrits bloß so nei, ich mechert a´ so schlank nu sei. Die Werscht im Kiosk riech´n so gut, sie hupfen narrisch auf der Glut. Es is´ a Kreiz auf derer Welt, die an ham Hunger und kam ka Geld, i´ hab a Geld, soll bloß nix ess´n, morg´n, muß i´ wieder zum Messen. Ich steh´ am Kiosk mir werd ganz has, i´ merk wies mir treibt den Schwaß. Mei Geld is´ weg, ich werd´ verrickt, doch war´s vielleicht sogar mei Glick?