challplatt´n. A` Kunststoffplatt´n, rund wie a Kreis, macht Musik, manchmal laut, manchmal leis. Schallplatt´n hast des, des is´ scho´ richtig, an Grammophon braucht mer, des is´ wichtig. Der Fortschritt hat sein eig´na Will´n, seit 100 Johr gibt´s die Platt´n mit die Rill´n. Die Schwingungen, die macht der Schall, die hört mer dann, auf jeden Fall. Ob Oper, Rock, ob Volksmusik, für jeden gibt´s des richt´ge Stick. Wenn ich mir Gäst ´ lad in mei Haus, die groma alle Platt´n raus. LP´s und Singles ling dann rum, mir ist des manchmol scho´zu dumm, kennt graina, kaner paßt a biß´la auf, mancha hock´n sich sogor nu drauf. Mei Platt´n demer ja so leid, sind sie doch oft mei ganza Freid. Mancha ham´s mer gor verkratzt, jetzt steh´n se wi´der auf ihr´n Platz. A so a Platt´n braucht sei Pflech, sonst find die Nadel net ihr´n Wech.